RAÍCES DE IGUALDADE, FROITOS DE INNOVACIÓN

      O 11 de febreiro celébrase o día da Nena e da Muller na Ciencia e no colexio de Novo Mesoiro, para celebralo, os nenos e nenas de 5ºB quixeron investigar e coñecer algunhas científícas galegas e de fóra de Galicia.       Para iso, foron a aula de informática do cole e, por grupos, buscaron información sobre as científicas que escolleron e logo plasmaron a mesma nun pequeno mural ben xeitoso. Antes, expuxeron ao resto da clase, a información máis relevante de cada unha para coñecelas mellor e saber en que rama científica destacou cada unha. Empregaron un recurso da @lediciadamestra e quedou así de ben!

      A clase de 2ºB fixo unha actividade en plástica sobre Maruja Mallo aproveitando a celebración do entroido e o contacontos ilustrado sobre esta mesma pintora.   

    No mes de febreiro o alumnado de 1º e 2º de Educación Primaria, recibiu unha visita moi interesante. do contacontos e escritor, Quique Mauricio . Ademais, Quique é autor, xunto con Carlos Álvarez Taboada, do proxecto Polo correo do vento, que é un colectivo especializado en actividades de promoción da lectura, comprensión oral en galego e desenvolvemento da creatividade e expresión artística das nenas e nenos.     Quique veu acompañado da ilustradora Laura Molero e mentres el contaba dunha forma moi dinámica e divertida a biografía de Maruja Mallo, a ilustradora facía un mural representando obras desta pintora galega.      Para rematar o taller, os nenos e nenas realizaron unha caricatura da pintora seguindo as indicacións de Laura. Foi unha experiencia xenial!